Xprunaturi tat-tkabbir u l-impjiegi: Il-Kunsill jiddiskuti r-rwol tal-SMEs u l-Unjoni tal-Innjovazzjoni

Il-Kunsill Kompetittività tas-26 u s-27 ta' Settembru ttratta l-iżviluppi tal-UE b'appoġġ lill-SMEs u s-sitwazzjoni attwali tal-Unjoni tal-Innovazzjoni.

Il-ministri ddiskutew għadd ta' kwistjonijiet relatati mal-ħolqien ta' tkabbir u impjiegi fl-UE. B'mod konkret, iddiskutew:

• l-azzjonijiet ewlenin tal-UE b'appoġġ lill-SMEs, fejn ittrattaw l-iżviluppi mill-Att dwar in-Negozji ż-Żgħar u esploraw modi kif jittejjeb it-tkabbir tal-SMEs fl-UE;
• l-istat tal-istrateġija Unjoni tal-Innovazzjoni u l-progress għat-twettiq taż-Żona Ewropea ta' Riċerka komuni.

Bħala parti mid-diskussjonijiet tagħhom, il-ministri analizzaw il-ġenerazzjoni l-ġdida tas-sħubijiet pubbliċi privati li ser tgħin tistabbilixxi partijiet ewlenin tal-Unjoni tal-Innovazzjoni. 

• Qbil dwar l-"Orizzont 2020": il-programm tal-UE għar-riċerka u l-innovazzjoni għas-snin mill-2014 sal-2020

Suġġetti oħra fuq l-aġenda

Il-ministri ddiskutew ukoll is-sitwazzjoni attwali tal-industrija tal-UE, b'mod partikolari:

• kwistjonijiet li jaffettwaw il-kompetittività industrijali, bħall-innovazzjoni, l-aċċess għall-finanzjament, il-kondizzjonijiet tas-suq u l-kapital uman;
• il-pjan ta' azzjoni propost biex jiġu promossi l-kompetittività u l-effiċjenza tal-industrija tad-difiża. L-eżitu ta' dan id-dibattitu ser iwassal għal laqgħa tematika tal-Kunsill Ewropew dwar id-difiża, skedata għad-19 u l-20 ta' Diċembru 2013.
  
  
• Laqgħa tal-Kunsill Ewropew, 24-25 ta’ Ottubru 2013